有時候和人討論買不買樓，我會想吐血。
很多人會擺出一句 argument ：「租樓好蝕啫，啲錢俾左出去就冇左。但買樓起碼供左啲錢係落左自己層樓度嘛。」
真係白痴。講呢句說話既人明顯冇諗過，買樓一來供款當中，大部份都係俾息之外，而首期個筆錢亦冇利息收。
即係話，若買一個 100 萬既單，按揭七成，首期三成，即 30 萬。
若你無買樓，個 30 萬明明收緊利息，
點解買左樓之後條數就唔見左既呢？
利息唔係成本黎架？？
好明顯，講得出呢啲說話買樓既人，唔係唔經大腦，
就係首期唔係自己出錢俾。
老豆老母無息收之嘛，當然唔駛計埋入去。
好多人連租與息率既關係都未搞得明。就笑人唔買樓就笨。唉。
仲要話樓會升值架嘛。吓？而家講住，定投資先？
自住屋貴買貴賣，平買平賣，又賺左咩呢？
大哥，自住樓係消費，唔係投資囉。
嘔血。
