Wednesday, May 6, 2015

bitcoin 衍生工具

喺我喜愛 bitcoin 既同時,又發現好多 bitcoin 公司無啦啦執咗。www.alitobit.com, suppose 係 bitcoin ATM 公司。http://bitcoinnews.hk/ 一個比特幣既資訊網, last update 都已經係 2014 年既 4 月。一盤冷水臨落黎,都唔好話唔灰。


香港人鐘意炒賣,似乎喺 2014 年初炒爆咗 bitcoin 之後,所有人同公司都離 bitcoin 而去。咁又係。香港人買 bitcoin 既我諗大部份都係炒家,當佢股票咁炒。炒燶咗咪離場,以後都唔想多望一眼。


有趣既大家可以望多一張圖。雖然 bitcoin 既幣值係炒爆咗,但 bitcoin 既 transaction 則與日俱增。即係越黎越多人用。原因好簡單。Bitcoin 係一隻為 internet 交易而設既貸幣,當一隻貸幣被炒賣,隻貸幣其實失去咗佢既交易功能。試諗諗如果你手上有一隻貸幣,今日你唔用,聽日就會升值,可以買倒更多既野,你仲捨唔捨得用?倒轉如果隻貸幣日日跌,你又會寧願聽日先買入啦,聽日跌咗又可以買多啲。永無止境咁等,就阻礙咗交易。所以而家慢慢  bitcoin 既滙價 settle down 之後,先開始發揮佢既最大潛能,就係低成本交易。

我暫時所見,香港既所謂 bitcoin startup 其實都好無創意。黎黎去去都係 bitcoin ATM 機,賺個 spread 。咁就慘啦,而家流量咁低,生意仲衰過樓下間 RMB 找換店。流量少,找換自然少,賺唔倒錢就唯有加大個買賣差價,買賣差價大人地自然更少去你到買賣,咁就好容易執笠喇。其實只要明白 bitcoin 既成功其中一個主要原因係 low transaction cost, 但 bitcoin ATM 既 spread 有成 10%, 即我一買一賣都唔見咗 10%,仲貴過經銀行滙錢,本未倒置咗件事,試問仲有咩人會用呢?

香港身為國際金融中心,竟然無人會為 bitcoin 創立金融服務?bitcoin 由始至終都只係錢,可以設立 bitcoin 銀行,你存 bitcoin 入黎,我俾息你。可以做 bitcoin 借貸,bitcoin 期貸,期權所有衍生工具。香港政府如果想幫助香港既創意科技,更加可以立法監管呢啲 bitcoin 金融機構,監管佢地要某啲有頭有面既人負責,唔可以就咁偷晒客戶啲 key(錢)然後走佬。目標係令全世界既 bitcoin 用家都覺得香港係唯一用 bitcoin 用得有保障既地方,do something good for the world ,咁生意就自然黎啦。

我知,你又話我喺度發夢。係囉,呢個世界有 internet, facebook, google 之前,講呢啲 concept 既人都係發夢架啦。然後你又問,點解香港無 facebook 無 google 咁既公司?

Tuesday, May 5, 2015

The Bitcoin Phenomenon

https://www.youtube.com/watch?v=6pWblf8COH4

Wednesday, April 29, 2015

peer-to-peer 財仔


近其興起既一個 term 係 disruptive innovation 。點為之 disruptive 呢?就係要破壞/瓦解現存固有利益者既業務。困難?當然困難。固有利益者有錢有權有勢。有無可能?當然有。Apple 係當中既表表者, 一而再再而三咁 reinvent personal computers, MP3 機, smartphone ,為呢舊有既產品從新定義。記住係 disruptive ,唔係 destructive 。呢啲 innovation 絕對係改變緊人類既生活,變得更方便更低成本更有效率,係人類文明進化必不可少既進程。

有兩舊肥豬油糕,我諗好多人都虎視耽耽:

一:我存錢俾銀行,銀行俾息我地 0.001% 。但我地問銀行借錢,其本上係要放一百蚊俾佢,就可以借一百蚊,仲要俾 5%-30% 息。我唔係話銀行賺緊暴利,但我想分一杯羹。

二:peer-to-peer payment 。八達通,永遠做唔倒 peer-to-peer payment 。入咗錢就後,又只可以駛錢,唔可以攞返錢出黎。有無生意可以一次過解決晒以上兩個問題?

香港有間叫 Welend 既公司 (https://www.welend.hk/),非常之 innovative 。佢地利用 big data, 去分析一個人既信貸評級。若果呢個信貸評級可以 open public 呢?

我地首先可以利用類似 bitcoin 既 cryptocurrency 貸幣。還掂 open source ,可以從新抄咗去 pegged to HKD,解決咗上落波幅既問題。又或者開設 bitcoin 期貸期權等 hedge tool,可以俾唔係炒 bitcoin  上落既用家買保險。然後建立一個 peer-to-peer payment 平台。總之,我地每個人既 smartphone 都係錢包,若果怕唔安全,可以好似八達通咁做 $1000 蚊上限,跌咗咪當散銀。好處係,若果我想過錢俾你,兩部手機拍埋,doot 一聲,錢就去咗你手機。當然亦要利用加密學既技術例如 SHA256 + RSA2048  做簽名。呢個做法其實係可以好 secure, 好 scalable 。若果想安全啲再加大個交易銀碼例如上百萬蚊既交易,絕對可以再加 smartcard 同 password 保護。

有咗 peer-to-peer payment 之後,就可以建立一個 peer-to-peer 借貸 平台。例用 big data, 為每個用互提供信貸評級。每一個人借錢,都好似 kickstarter 咁,無需要由一個人借出,可以由好多個想投資既人組成。有人走佬唔還錢,起碼唔係一個人揹晒。信貸評級好既人,自然息率比較低。信貸評級差既人,好似財仔啲客咁,可以去到 50% 年息。但只要每 2 個人有一個還錢,就己經有錢賺。總之由人肯借出,又有人肯借入,就用 peer-to-peer payment 過數。而建立呢個平台既公司,當然係每個 transaction 賺錢。總之就,每一下 doot 都有錢賺。唔賺到笑?

Thursday, April 23, 2015

驚 bitcoin 對唔倒錢變廢紙?

驚 bitcoin 對唔倒錢變廢紙?

check out all these bitcoin ATM machines around the world!
24/7 你入 bitcoin 俾呢啲  ATM 機,佢俾返現金你!就算香港立法管制,你仍然可以去日本,台灣,菲律賓,你再留意吓歐洲同美國,就真係唔駛驚你有 bitcoin 換唔返錢了。

http://www.coindesk.com/bitcoin-atm-map/

點解 bitcoin 無得印銀紙?

彭浩彭講過,現實生活好多時都離奇過小說。原因係編寫小說時,因為大家都知小說係虛擬,所以故事唔可以太唔合邏輯,人物性格唔可以太飄忽 ,否則讀者會覺得唔合理,故事就無咗張力。而現實係人都會做不合理既事,而性格亦都係多重,所以現實並無咩邏輯既界限,現實可以非常之荒謬,離奇過小說。貨幣亦一樣。所有國家既貨幣,因為有政權支持,有直槍實彈,唔需要擔心佢既真實性,政府可以要幾多錢就印幾多,所有人戶口裏面既都只係一個 number ,比虛疑更虛疑。反而虛疑出黎既 bitcoin 係一種好真實既貨幣,從來無得印出黎。

之前講過,每個 bitcoin 就類似質數(或黃金)咁,世界上既質數/黃金數量就只有 N 咁多,係無可能再變多出黎。你可以想像 bitcoin 只有 10 張銀紙放喺台面,每張都有一個獨一無二既號碼。最初既時候,呢 10 張銀紙,就係屬於挖礦挖出黎既 A 小姐。呢 10 張銀紙上面都有個 label, 有 A 小姐既簽名。後來 B 先生向 A 小姐買咗 2 張銀紙,咁所謂既交易,就只係容許 A 小姐將付合佢簽名既 其中兩張銀紙,改做 B 先生既簽名。所以台面上既銀紙,永遠都只係十張。而且每次既交易,都會傳遍世界,變成 blockchain(https://blockchain.info/)。呢個 log 只可以增加,無可能減少,呢個世界無論幾多交易,枱面都只係呢 10 張銀紙,只係不停咁換主人(簽名)。所以 bitcoin 亦都係一種唔會有 inflation 既貨幣。(同黃金一樣, limited supply)

咁當然,supply 一樣,但對 bitcoin 既需求有機會突然增加或減少。但呢個情況同所有貨物都一樣。需求大,bitcoin 就會越黎越貴。相反若無需求,bitcoin 就會越黎越平。由於呢種特性,就產生咗香港人最喜愛既炒賣活動。但其實 bitcoin 係為 payment 交易而設計既一種貨幣,並無增值既設計喺裏面,長揸亦無息收,所以小弟並唔鼓勵各位去炒賣 bitcoin 。

話雖 bitcoin 同黃金一樣係 limited supply, 但亦同黃金一樣係會發挖倒新 bitcoin 出黎。bitcoin 最後最多都只會有二千一百萬個( 21 million),所以唔可能無限量增長。挖礦係一個機制,讓 bitcoin 若果流行起來,就有足夠既電腦運算 power 去計出新既 bitcoin block ,就會有新既 bitcoin 可以應付更多既需求。所以成套 bitcoin 貨幣系統,真係非常之創新並劃時代的!

講起 bitcoin 無息,我下篇講吓點解又會有啲補藥黨可以利用傳銷俾下線既人 20-30% 息,使人著迷。一,bitcoin 傳銷從來無俾過 bitcoin 你!所以夾帶司徒既時候跟本就唔駛偷你既!Hack 都慳返!二,傳銷往往令人只顧自已抓下線,並無理過產品係乜。所以本人係非常之痛恨傳銷的!

Tuesday, April 21, 2015

Bitcoin 挖礦係不勞而獲?

我每次同人討論 bitcoin,都會有一大堆問題。其實唔好話同人討論吖,我自問做咗支付技術都好多年,但當初接觸 bitcoin 既時候,我自已都一樣一大堆問題。原因係呢隻貨幣實在太創新!有好多方面係完全癲覆咗基本貨幣既慨念。但當我越細心咁睇,越覺得發明 bitcoin 既人係天才,因為佢已經一早解決晒所有技術上既問題。亦難怪而家咁多人懷疑 bitcoin 背後係一個強大既政府組織!

既然我講到 bitcoin 咁安全,咁點解仲有咁多騙案俾人呃晒啲錢?我只會話水能載舟,亦能覆舟。所有真正 powerful 既野,如果唔識得利用,破壞力亦一樣好強大。bitcoin 由始至終都只係一隻貨幣,主要功能係交易。我敢講,如果你用 bitcoin 黎作交易目的,你會發現  bitcoin 係一隻交易成本最低又最安全既貨幣。但如果你用黎炒賣,我就見唔倒好大既投資價值喇。

(有機會再講咩係交易成本 (cost)。我地一般支付見唔倒個“成本”,只係因為我地通常都係消費者。交易成本通常都係收錢(即賺錢)既一方俾。Visa/Master 5-6%, EPS 4%, 八達通 2-3%? 但 bitcoin 只係大約幾個仙)

對於真係對 bitcoin 有興趣既人,我強烈建議你可以買少少幾百蚊黎玩下先。先了解咗呢樣產品既操作,到你好清楚 bitcoin 係乜,肯定有投資價值,到時先買多啲。我會覺得 bitcoin 同八達通係一樣,所謂存喺裏面既錢同散錢一樣,跌咗就無。咁你會唔會八達通跌咗就無就唔用?當然唔會,因為實在有佢既方便之處。況且我敢講,bitcoin 用得其所,肯定安全過八達通!知唔知八達通點解上限一千蚊?佢地永遠做唔倒 VISA,  Mastercard, EPS 幾萬蚊既交易,唔好意思講句,因為八達通 POS 機啲安全技術實在係太屎。。。

講到離晒題,講返個題目。我見有人網上寫道,Bitcoin 挖礦,即係只係開住部電腦 run 住佢個 program ,就可以賺錢?好明顯係詐騙案啦,條穚好寶藥黨囉!聽落,又真係好不勞而獲。但實情係,bitcoin 既安全係統係建立於加密學上,所有 bitcoin 既交易(transaction) 其實都係一連串加密學既運算。呢啲運算(主要係 HASH(SHA256))需要借助網上好多既電腦一齊去計,先可以做出最快速最低成本既交易。但係無啦啦又點會有人借部電腦幫你計數呢?燈油火蠟(電)樣樣都係錢,咁唯有借用網絡上既電腦運算交易既計算其間,俾一部份既費用俾呢啲電腦囉。例如我 send $10 HKD 俾你,你會收倒 $9.97 。唔見咗嗰三仙係俾咗嗰部挖礦既電腦。咁仲叫唔叫不勞而獲呢?

挖礦賺 bitcoin 除咗幫人計 transaction 之外,仲會幫手搵一個特別既 block 。呢個 block 有個好好既比喻,就係質數(prime number) 。數目少是既質收當然易搵,2      3      5      7     11     13     17   etc.. 所以最初要挖一個 bitcoin 相對容易,但後來當數字越來越大,就再也好難先挖倒一個 bitcoin 。咁正常黎講 bitcoin 開頭未多人用,流動性低,啲人驚對換唔倒價值相對低,挖倒 bitcoin 都只係好少錢。到後來 bitcoin 好值錢,但又已經好難挖,其實應該又好公平。只係前排某段時傳媒既報道喺好短既時間內吸引咗好多投資者,而 bitcoin 又唔可能一次過挖咁多出黎,喺供不應求既情況下先會炒到上 $7000-8000 HKD 一粒。而家慢慢應該回覆到一個正常既水平。

https://blockchain.info/charts

另外又有人問,bitcoin 係虛擬幣,係咪好似打機個啲咁?咁咪好危險?答案係兩者差天共地。打機既虛擬幣只係放喺遊戲機,手機,或遊戲既 server 裏面,完全無 integrity, authenticity 既基礎!

(所謂 integrity 係完整性/無俾人改過,即係寫一張 cheque, $1000, 同 $10000 係差好遠。Authenticity 係源溯性,即係簽名,以確認張 cheque 確實係你寫出黎既而唔係其他人)

咁樣就好似以前細個 hack 啲 save game data 咁,改個 hex 就無限金錢了。bitcoin 頭先講過,由類似質數既 block 組成,而呢個世界已挖倒出黎既 block 係唔會無啦啦增加。所以你係無可能改倒你個 bitcoin wallet 裏面既 bitcoin 數目(全世界都在看!)。事實上,你 wallet 裏面跟本就無所謂既 bitcoin 。全世界既 bitcoin 同 transactions 都記錄晒喺 blockchain 裏面。bitcoin 基本上係類似 bitcoin #1 -> Jenny , #2 -> John, #3 -> Cindy,  #4 Peter, 每一份 bitcoin 都有佢地既 owner 。而 transaction 只係轉 owner 例如 Jenny 俾錢 May, bitcoin 既 ownership #1 ->Jenny 就會變做 #1->May 既過程。而點樣 verify Jenny 有 #1 有權轉名呢,就係用簽名既運算 ECDSA。ECDSA 係一種 asymmetric 或 public/private key 既 cryptography ,有別於 symmetric 加密例如 AES, DES, 3DES。下一篇再講。

bitcoin 信唔過?

我諗一講起 bitcoin 好多人既第一個問題就係:bitcoin 都唔知邊度黎既,點信得過架?

bitcoin,講到尾都只係一種貨幣。要講信唔信得過一種貨幣,真係可以有排講。一般人會覺得美金,人民幣信得過,因為美國同中央政府既政權穩固,有政府支持。咁港紙呢?用個極端例子,聽日阿爺唔高興,話唔會再承認港紙,最多用人仔一蚊換你地啲一千蚊啲香港癈紙。咁,港紙,同好多用易貶值細國家既銀紙一樣,其實都信唔過。之但係相反黎講, bitcoin 係無任何國家或政權背後支持(唔講陰謀論啦),只要有互聯網存在,bitcoin 就會存在,唔需要擔心邊個國家既貨幣安唔安全。再者,因為 bitcoin 認“簽名”唔認人,就算你有價值 HKD 一百萬既 bitcoin,你都唔需要銀行,你可以放喺手提電話,可以放電腦。你只要管好你既"簽名",你既 bitcoin 就安全。當然,你好聰明,知道電話電腦太容易俾人 hack 唔安全,咁你可以將你既簽名埋落地,放保險箱,或者你用個腦記住,有另外一百種方法去保管你既簽名。總之, 一日無人 hack 倒你個簽名,就無人郁倒你啲錢,百份百安全,連政府都無辦法。咁 bitcoin 仲信唔過?

其實亦係呢個原因,所有國家都無任何方法去攞走或凍結你既 bitcoin 戶口,亦阻止唔倒你 bitcoin 既交易,對於黑錢既交易完全無晒符,所以唔係所有國家 bitcoin 都合法。好彩香港,用 bitcoin 仍然合法,雖然我唔知係因為香港政府真係胸㯲廣闊,定只係完全唔知原來 bitcoin 係咁難控制。

其中一個 bitcoin 最大既賣點,就係非常平宜既交易成本(transaction cost)。傳統既 transaction,例如我用信用卡買野,睇落簡單,但內裏既交易成本非常之多。商戶(merchant) 要聯絡佢地既銀行,佢地既銀行要聯絡 VISA/Master, VISA/Master 再聯絡你既發卡銀行,一步一步咁確認信用卡無被盜用,未過期,未過額等等,所有呢啲動作都係交易成本。所以 VISA/Master 需要 charge 商戶 4-5% 既交易費用。當然,暴利係佔一大部份。



bitcoin 相對地,因為無銀行喺中間,交易只係需要電腦間一連串既運算,所以交易成本係非常之低。亦無貨幣換算既麻煩。例如我喺香港用開 bitcoin, 我要買美國既野或轉錢俾我美國既朋友,只要對方既商店收 bitcoin, 我用手機或電腦一個 e-mail/whatsapp/wechat ,對方就收倒錢。對方要用 bitcoin 換美金換其他貨幣係佢既自由。當然,bitcoin 既普及同流通係先決條件,佢啲 bitcoin 對唔返美金或當地流通貨幣都無用。

遲啲我再講下點保管你既“簽名”( 其實只係一條 ECDSA key)。點解 bitcoin 好似咁易唔見,咁多騙案。其實都只係源於 bitcoin 既技術涉及一啲加解密(cryptography/algorithm)既原理,一般人都未必理解。下篇講講。要了解加密學,其實唔難。




有無人對 bitcoin 有興趣?

近日對 bitcoin 呢樣野好有興趣。原因 1: 關於 security/cryptography  2: 關於 business/finance   3:關於硬件(semiconductor/hardware),開正晒我最有興趣嗰幾範。仲要咁多人唔明,正好俾個機會我識少少扮代表。

日前留意倒香港有間 local 公司叫比特通 http://www.bitcoinatm.com.hk/ , 佢地喺香港放咗兩部比特幣自助買賣機器,即係 bitcoin ATM 機,俾 bitcoin 佢,佢就跌港紙出黎。咁又幾過癮喎。不過如果呢間公司只係賺買賣 bitcoin 個差價,咁又有無錢賺呢?而且盤生意既先決條件,係要有香港人用 bitcoin, 流通量要高。所以主席 Jase Leung 恐怕最主要的工作都係要 sell 倒 bitcoin 俾香港用先得囉。

Monday, May 9, 2011

通脹不可對付

果真。身為蟻民,若央行唔夠錢用就印銀紙,即佢消費,我埋單。實在無乜好方法可對付。

曹仁超 - 通脹不可「對付」

Wednesday, April 27, 2011

惡業主

我唔覺得我仇富,但近日接觸經紀多(搵樓租),自然知道業主有幾惡。大慨是因為大家有「共識」知道香港政府無能(調控樓市),通脹又飃升,邊個有能力會選擇唔買樓保值?

只是如今,東亞帶頭將按揭調到 H 加1.5厘,政苦又主動推地,二手樓成交又創 03 年新低。我看業主們還能惡得幾耐?