一稿兩投，真係老土。
但總算一擔心機，日後睇返自己有冇理解錯都好。
---
例如電腦由 command 到 user interface ，咁得知有「 UI」呢個咁正既野，唔係 IP 。點整出黎先係。至於點整出黎，絕對唔係手睇眼見。
- 我唔會話見倒人既產品地係用咩機做，就叫偷左人地既 IP 。我知以前好多廠都有呢啲「商業秘密」，但我只會叫呢啲做資訊唔流通。點解賣呢部機既 sales 冇搵呢位老細？
- 同一款衫唔同布做，已經可以走晒樣，我心目中既設計就係咁。若果個客咁冇要求，求其返大陸搵塊差唔多既布都收貨，咁呢啲客基本上都係運吉。同埋咁唔駛講 prototype ，唔通連款式都唔駛俾客睇？一睇就可以抄左，或唔可以俾個客睇多過 5 秒？唔可行。款可以抄但布唔可以抄，底線係抄會仲貴過同佢買。呢種 IP protection 既成本係，要自家擁有布廠(即一條龍)，同埋用一啲好靚既織布機，出面街一般唔會用，同埋要有自己既 design team, 有 in house sourcing。
- 係響坊間抄曬之前推出新野，對我黎講唔係 IP protection 。但 iPhone 用自己研發既 IC 黎做 iPhone ，呢個就係。因為連富士康都冇可能買倒其他 IC 去代替 apple 個粒，總之 apple 俾一粒 ic 富士康, 富士康就只可以做一部 iPhone 。呢個係 hardware 方面做。software 方面, 例如 apps store 。其他廠可以用第二粒 IC 做到同 iPhone 一樣樣一樣快，但你冇佢個 OS, download 唔倒佢啲 apps, 就算 download 倒都行唔倒。所以我所講既 IP 唔係話坐係「諗」就突然走出黎個啲 IP, 個啲 IP 我成日覺得係唔值錢，我個 blog 都寫好多發神經既 idea, 但呢種創意於我既 concept 裏面真係一啲價值都無。IP 係嘔心瀝血經過好多功夫先走倒出黎既一件有價值既成品，從來都唔會話眼見就抄倒。
- 雖然我諗緊，好似 logo 呢一類既 IP, 真係望兩秒都抄倒... 所以又... 我唔太明一個 logo 點解可以值幾廿萬...
